Sjoarakademiet på ein onsdag

Ønskjer du å læra noko nytt, utvide horisonten din og bli inspirert? Då er våre digitale føredrag midt i blinken for deg. Måndagar kan du få med deg føredraget direkte. Då har du høve til å stille føredragshaldaren spørsmål direkte. Onsdag ettermiddag sender me opptak, slik at du får høve til å få med deg dei interessante og inspirerande føredraga på ettermiddagstid.

I ettermiddag har du høve til å høyre Evy Johanne Håland med føredraget "Frå dagens Tinos til antikkens Panathenaia, fest, religion, politikk og kultur".

Håland er forskar, Dr.art. i historie og statsstipendiat. Hennar forsking er tverrfaglig og tverrperiodisk. Den dekker antikk og moderne kulturhistorie og religion i tillegg til å vere orientert mot idéhistorie. Sidan 2009 har ho førelest ved fleire europeiske universitet.

På Tinos blir den religiøse festen til ære for jomfru Maria si himmelferd feira den 15. august. Her kan ein sjå korleis grekarane kombinerer religion og nasjonalisme. Festen er og ei lækjandefeiring for pilegrimar frå Hellas og den ortodokse verda. Forskinga brukar moderne gresk kultur som samanlikning med antikken, og synar kulturtradisjonar som finnes over heile Øst-Europa, Balkan og Middelhavet.

Heile våren byr me på eit variert program med tema som garantert vil engasjera.

Velkomen til alle.

Liste over føredrag våren 2025