Are Kalvø er ein av dei største komikarane her i landet. I løpet av dei siste tjue åra har meir enn ein halv million nordmenn sett framsyningar han har vore involvert i. Kalvø har blitt nominert til femten komiprisar og til Hedda-prisen. Her kan du lese om Kalvøs sceneliv, frå den første blasfemianklagen i tredjeklasse og russerevyen i heimbygda Stranda, til karrieremilepælar som standupdebuten på homseklubb, det første trusselbrevet og dagen han forstod at ein ball kan syngje. I tillegg får du tekstane frå Norge-Brasil, ein fotballopera, frå Kalvø - ein time av livet ditt du aldri får tilbake og frå Halve kongeriket. Boka er rikt illustrert med bilete frå framsyningar, avisutklipp og private bilete. Omtalen er utarbeida av BS.
