Dette skodespelet er dels basert på «Innsirkling 3». Det handlar om Bjørn, ein middels god skodespelar midt i livet. Han har fått den største oppgåva hittil i karrieren - å spele hovudrolla som George i «Kven er redd for Virginia Woolf?». Han førebur seg til det nokså triste og dramatiske livet til den store rollekarakteren. Samstundes begynner hans eige liv å fortone seg stadig meir problematisk, og viklar seg inn i ein vond spiral av frykt og mistru til både seg sjølv og familien. Skodespelet er ein komedie, men kan også lesast som ein roman. Hausten 2015 blir «Kven er redd» satt opp på Det norske teatret.
