Forfattaren meiner vår tids bilete av vikingtida er fullt av valdsromantikk, mens sagaen vitnar om eit menneskesyn som på mange vis var meir humant enn i kristen mellomalder og renessanse. Boka startar i Konstantinopel, der Harald Hardråde var sjef for væringkorpset, og endar på Reykholt, herresetet til Snorre Sturlason. På vegen er vi innom den bysantiske historikaren Anna Komnena, som ikkje la merke til Sigurd Jorsalfar under det første korstoget, sjølv om han gjorde sitt beste for at alle skulle sjå han. Forfattaren samanliknar gammal litteratur med gamle filmar, og reflekterer over korleis mytologien avspeglar livet til verkelege kvinner og menn. Solveig Aareskjold har skrive både romanar og sakprosa.
